Xosé María Álvarez Blázquez, España
(Tui 1915-1985)
Non é certo que os nenos teñan fame
Non pode ser.
Ben o sabedes todos
os que andades no mundo atafegados
á percura do pan dos vosos fillos
Ises outros que vedes pola rúa
pedindo esmola,
non teñen fame, non, porque daquela
vos teríades morto de vergonza.
E ben vos vexo andar nos vosos coches
ou nos tranvías, a berrar de cousas
estranas, -¡viva, beba, baba, buba¡-
sen reparar naquil esfarrapado
que coa moura mauciña está petando
na porta de ferro.
Por iso penso que non é verdade
o que algún caviloso di dos nenos
que andan así petando pola vida
-¡Non, home, non¡- lle dixen a un de aqueles -
A xente pasa leda......¡Fora boa
que andivesen a rirse dos seus crimes¡
|
Por lobitogabriel - 12 de Julio, 2007, 7:58, Categoría: poesia
Enlace Permanente
| Comentar
| Referencias (0)
|
